कोरोची : वीर सेवा दल प्रांतीय जिल्हा व तालुका समितीच्यावतीने पुरातन मंदिर स्वच्छता अभियान राबविण्यात आले. या स्वच्छता अभियानांतर्गत भोगोली, इब्राहीमपूर, स्तवनिधी, बांबवडे (धर्मगिरी) टाकवे येथील जैन मंदिरांची स्वच्छता करण्यात आली. यामध्ये ७० स्वयंसेवकांनी सहभाग घेतला.
इब्राहीमपूर येथील मंदिराच्या सभोवताली पडलेला कचरा काढण्यात आला. निरुपयोगी वस्तूंची विल्हेवाट लावण्यात आली. मंदिरांच्या दगडी भिंतींवर व शिखरावर उगवलेले गवत, शेवाळ काढून टाकण्यात आले. यानंतर भोगोली येथील दोन जैन मंदिराची स्वच्छता करण्यात आली. स्तवनिधी येथे मंदिर परिसराची स्वच्छता करून वृक्षारोपणही करण्यात आले.
सांगली विभागातील प्रांतीय, जिल्हा व तालुका समितीच्यावतीने धर्मगिरी वाटेगाव, बांबवडे, टाकवे येथील जैन मंदिरांची स्वच्छता करण्यात आली. या वेळी श्री १०८ धर्मसागर महाराज व श्री पार्श्वसागर महाराज यांचे आशीर्वाद लाभले. तन्मय पाटील, चंद्रकांत पाटील, महावीर हिरकुंडे नरेंद्र चौगुले, राहुल कोले, हिराचंद उगारे, अभिराज पाटील यांनी या स्वच्छता मोहिमेत संयोजक म्हणून काम पहिले. प्रांतीय प्रमुख अजित पाटील, प्रांतीय सचिव विजय बरगाले, जिल्हा प्रमुख समोशारण भोकरे, संघटक राजकुमार डोळे, राजू मालगावे, जिल्हा प्रमुख मनोज खोत, संघटक प्रदीप मगदूम, स्वयंसेवक विभाग प्रमुख अभय पाटील, अल्पसंख्यांक विभाग प्रमुख नील गडकरी, शिरोळ तालुका संघटक अनिल पाटील, मध्यवर्ती सदस्य राकेश चौगुले, हातकणंगले तालुका प्रमुख आशिष देसाई, शिरोळ तालुका प्रमुख बाबासो शंभू शेटे, सचिव क्षेत्रपाल मांजरे, जिल्हा सदस्य शीतल पाटील, सुहास पाटील, जयकुमार दरी, हुव्वाणा मजलेकर, विकास गुंडवडे, प्रतिक देसाई, मलगोंडा पाटील, शिवकुमार पाटील, कुलभूषण मासुर्ले, नरेश भोकरे, संतोष चौगुले, महावीर पाटील, वर्धमान पाटील, प्रकाश शिरोळे, सुनील मालगावे, विजय पाटील, संजय पाटील, राजकुमार चिंचवाडे आदींनी या मोहिमेत भाग घेतला होता.
